24 noy 08:10
Yangiliklar
JCH-2016. To'rt nafar bokschimiz yarim finalda, 4ta medal naqd
Kecha jahon chempionatining ettinchi kunida chorak final janglari o'tkazilib, yarim finalga yo'llanma olgan bokschilar nomi malum bo'ldi. Ular orasida 4 nafar charm qo'lqop ustamiz ham yarim finalga yo'l oldi.
52 kg vazn toifasida ringga ko'tarilayotgan hamyurtimiz Otabek Xolmatov chorak final jangida Dominikan vakili Luis Reynaldo Nunesga qarshi ringga ko'tarildi. O'smirlar o'rtasida Osiyo vice-chempioni bo'lgan hamyurtimiz raqibini 4:1 hisobida mag'lub etdi.
56 kg vazndagi charm qo'lqop ustamiz SHunqor Abdurasulov ham yarim final ishtirokchisiga aylandi. U qiziqarli kechgan jangda xitoylik Czen Czyan Minni 3:2 hisobida engdi.
60 kg vaznda qatnashayotgan Bilolbek Mirzarahimov chorak final jangida rossiyalik kuchli raqibi Beslan Xamzaevga hech qanday imkoniyat qoldirmadi va 5:0 hisobida zafar quchdi.
91 kg vazn toifasida ringga chiqqan hamyurtimiz SHohruz Rahimov chorak final jangida angliyalik Lyuis Vilyamsni 4:1 hisobida mag'lub etdi.
Afsuski, 75 kg vazn toifasida o'z imkoniyatini sinovdan o'tkazgan SHohruzbek Rustamov chorak final jangida mag'lubiyatga uchradi. U germaniyalik Vezir Agirmanga 1:4 hisobida yutqazib qo'ydi.
Fikrlar