JCH-2026. Bugun O'zbekiston - KXDR uchrashuvi bo'lib o'tadi

Dastlabki turni o'z maydonida o'tkazadigan futbolchilarimiz KXDR terma jamoasiga qarshi maydonda saf tortishadi. Uchrashuv soat 19:00da "Bunyodkor" stadionda boshlanadi.

O'zbekiston va KXDR terma jamoalari o'zaro 9 ta uchrashuv o'tkazishgan. O'yinlarning 7 tasida terma jamoamiz, 1 tasida "shimolliklar" g'alaba qozonishgan, 1 ta bahsda durang natija qayd etilgan. To'plar nisbati - 18 ga 5! 

O'zaro o'yinlarda Igor Sergeev to'purar, u KXDR darvozasini 3 bor ishg'ol qilgan. Lekin Tailand chempionatida o'ynayotgan futbolchimiz oldimizga turgan ikki o'yinga chaqirilmagan. Bunga uning uzoq muddat davom etgan jarohati sabab bo'lgan. Nikolay SHirshov, Marat Bikmaev, Aleksandr Geynrix va Odil Ahmedov KXDR darvozasiga 2 tadan gol urishgan.

JCH-2026. 3-saralash bosqich. "A" guruhi. 1-tur

19:00. O'zbekiston - KXDR

21:00. Eron - Qirg'iz Respublikasi

21:00. Qatar - BAA 

Malumot uchun, guruhimizda birinchi va ikkinchi o'rinni egallagan jamoalar to'g'ridan-to'g'ri mundial yo'llanmasini qo'lga kiritadi.