Jismoniy tarbiya va sport vaziri AOKAda tashkil etilgan matbuot anjumanida ishtirok etdi

O'zbekiston Respublikasi Prezidenti Administraciyasi huzuridagi Axborot va ommaviy kommunikaciyalar agentligida tashkil etilgan matbuot anjumani aynan shu mavzuga bag'ishlandi. Unda Jismoniy tarbiya va sport vaziri Dilmurod Nabiev ham ishtirok etdi.

Malum bo'lishicha, joriy yilgi OTMlarga kirish imtihonlari ikki smenada hamda respublika bo'yicha tanlab olingan 40 ta stadionda o'tkaziladi.

-  155 ta stadionni tanlab olish jarayonida abiturientlarga qulay sharoitlar yaratish nuqtai nazaridan kunning chiqishi va botishi, umumiy stadionning soyalik darajasi necha soatga mo'ljallanganiga ham etibor qaratiladi. Mahalliy hokimiyat organlari bilan birgalikda soyabonlar qo'yiladi, ota-onalarga kutish joylari, shifokorlarga ham etarlicha sharoitlar yaratish kabi tashkiliy masalalar ko'rib chiqiladi, - dedi matbuot anjumanida D.Nabiev. – Yillar davomida sport inshootlarimiz va ochiq stadionlarga etarlicha etibor qaratilmagan. Ammo muhtaram Prezidentimizning jismoniy tarbiya va sport sohasini rivojlantirish, uning moddiy-texnika bazasini takomillashtirishga qaratilgan qator qarorlar qabul qilindi. SHu kungacha har yili 60-70 ta sport inshootini qurayapmiz, qolaversa rekonstrukciya va kapital tamirlash ishlariga ham alohida etibor qaratilgan. Aytib o'tayotgan stadionlarimizda 3 yil davomida tamirlash ishlari olib borilgan.

Matbuot anjumanida takidlanishicha, test sinovlarini shaffof holda o'tkazish uchun yoshlarni ortiqcha sarson qilmaslik maqsadida talim muassasalariga o'qishga qabul qilish bo'yicha davlat komissiyasi, hokimliklar, Ichki ishlar vazirligi, Milliy gvardiya, Jismoniy tarbiya va sport vazirligi, Davlat xavfsizligi xizmati tomonidan zarur choralar ko'riladi. SHuningdek, Davlat test markazi direktori o'rinbosari Sardor Rajabov stadionlarga kirish qismida shaxsni aniqlovchi kameralar, har bir guruhga alohida kameralar o'rnatish borasida Axborot texnologiyalari va kommunikaciyalarini rivojlantirish vazirligi bilan muzokaralar olib borilayotganini bildirdi.

Qo'shimcha qilish kerak, yurtimizda 2020/2021 o'quv yili uchun OTMlarga kirish imtihonlari 2 sentyabrdan boshlanadi va imtihonlar kuniga ikki smenada tashkil etiladi.