16 noy 18:37
Yangiliklar
Voleybol
Jizzax viloyati vakillari musobaqa g'olibi
Namanganda O'zbekiston yoshlar ittifoqining korxona, tashkilot va muassasalardagi azolari o'rtasida voleybol bo'yicha “Yoshlar” oltin to'pi” musobaqasining final bosqichi bo'lib o'tdi.
Musobaqa O'zbekiston yoshlar ittifoqi markaziy kengashi, O'zbekiston
Respublikasi Madaniyat, Ichki ishlar, Sog'liqni saqlash vazirliklari,
Jismoniy tarbiya va sport davlat qo'mitasi, O'zbekiston Kasaba uyushmalari
federaciyasi kengashi, “Sog'lom avlod uchun” xalqaro xayriya fondi,
O'zbekiston voleybol federaciyasi hamkorligida “O'zbekiston Respublikasida
2017 yilda yoshlarga oid davlat siyosatini amalga oshirishga qaratilgan
qo'shimcha chora-tadbirlar Dasturi” doirasida tashkil etildi.
Unda musobaqaning Buxoro, Surxondaryo, Sirdaryo, Namangan
viloyatlarida bo'lib o'tgan mintaqaviy bosqichlarida g'olib bo'lgan
Qoraqalpog'iston Respublikasining Qo'ng'irot tumanidagi “Qo'ng'irot soda
zavodi”, Surxondaryo viloyatining Muzrabot tumanidagi 20-umumtalim
maktabi, Jizzax viloyatining Zarbdor, Namangan viloyatining Yangiqo'rg'on
tumanlaridagi bolalar va o'smirlar sport maktablari jamoalari mutloq
g'oliblik uchun o'zaro bahslashdi.
Musobaqa yakuniga ko'ra, shohsupaning eng yuqori pog'onasini jizzaxlik sportchilar egalladi. Ikkinchi o'ringa Namangan viloyati, uchinchi o'ringa Qoraqalpog'iston Respublikasi voleybolchilari sazovor bo'ldi.
G'olib va sovrindor jamoalarga O'zbekiston yoshlar ittifoqining kubogi, diplom va esdalik sovg'alari topshirildi.
Musobaqa yakuniga ko'ra, shohsupaning eng yuqori pog'onasini jizzaxlik sportchilar egalladi. Ikkinchi o'ringa Namangan viloyati, uchinchi o'ringa Qoraqalpog'iston Respublikasi voleybolchilari sazovor bo'ldi.
G'olib va sovrindor jamoalarga O'zbekiston yoshlar ittifoqining kubogi, diplom va esdalik sovg'alari topshirildi.
Havola :
Manba : UzA
Fikrlar