25 jan 12:27
Yangiliklar

Tennis

Jokovich Australian Open`dan keyin ham dunyoning birinchi raketkasi bo'lib qoladi

Serbiyalik Novak Jokovich Melburnda davom etayotgan Avstraliya Ochiq chempionatining 1/2 final ishtirokchisiga aylangandi.

ATP reytingida ikkinchi o'rinni egallab turgan Karlos Alkaraz esa aksincha, chorak finalda germaniyalik Aleksandr Zverevga imkoniyatni boy berib qo'ydi. Onlayn reytingda Jokovich ispaniyalik tennischini 635 ochkoga ortda qoldirmoqda.

Demak, Avstraliya Ochiq chempionati yakunlanganidan keyin ham Novak duyoning birinchi raketkasi bo'lib qolaveradi. Undan na Alkaraz va na Daniil Medvedev o'tib keta oladi. "Katta Dubulg'a" turnirlarining 24 karra chempioni 409 haftadan beri ATP reytingini boshqarmoqda. Bu rekord hisoblanadi.