Jonni Uoker: "Bogdan, sen uchun qasos olaman"

U 22 iyun kuni Saudiya Arabistonining Ar-Riyod shahrida bo'lib o'tadigan UFC Fight Night turniri doirasida SHveycariya sharafini himoya qiluvchi Volkan Ozdemirga qarshi oktagonga chiqadi.

Jonni Uoker ushbu jangda o'zbekistonlik jamoadoshi Bogdan Guskov uchun revansh olishini takidladi. Eslatib o'tish joiz, Volkan Ozdemir Bogdan Guskovga qarshi jang qilib, uni birinchi raundda mag'lub etgan edi.

— Gor MMA zalidagi jamoadoshingiz Bogdan Guskov Volkan Ozdemir bilan jang qilib, yutkazgandi. Endi esa siz Ozdemir bilan jang qilyapsiz. Bogdan bilan bu haqida gaplashdingizmi?

- Qasos olish vaqti keldi. Men do'stim Bogdan Guskov uchun qasos olaman. Bogdan — bu sen uchun do'stim. Bu sen uchun sovg'a bo'ladi".

Malumot o'rnida, yarimog'ir vazn toifasidagi hamyurtimiz Bogdan Guskov ayni paytda UFC reytingida 12-o'rinni egallab turibdi.