15 avg 09:43
Yangiliklar

Boks/MMA

Joshuaning promouteri Ruisning revansh jangi haqidagi fikriga munosabat bildirdi

Superog'ir vazn toifasida sobiq jahon chempioni Entoni Joshuaning promouteri Eddi Xirn WBA, IBF va WBO yo'nalishlari chempioni Endi Ruisning revansh jangining Saudiya Arabistonida o'tkazilmasligi haqidagi gapiga javob qaytardi.

Meksikalik jahon chempioni Joshuaga qarshi revansh jangi Saudiya Arabistonida emas, aksincha birinchi jang kabi AQSHda o'tkazilishini istayapti.

“Revansh uchun shartnomaga birinchi jang oldidan imzo chekilgan. Boshqa hech qanday shartnoma yo'q. Bizning vazifamiz va majburiyatimiz Ruisni jang manzili, sanasi va vaqti borasida xabardor qilish. Biz o'z vazifamizni bajardik.

Revansh bo'yicha shartnomaga imzo chekilgan. Endi uni bajarish qolgan. Har qanday to'xtalish va vaqtni cho'zish Ruisning zarariga ishlaydi. U buning natijasida chempionlik kamarlarini jangsiz topshiradi. Keyin sud jarayonlari boshlanadi. O'ylaymanki, Ruisga bunday mash-masha kerak emas”, - deya Xirnning so'zlarini keltirmoqda Sky Sports.