Kamila Osorio o'z uyida chempionlik unvonini himoya qildi

Musobaqa bosh sovrini bu safar ham Kamila Osorioga nasib etdi. Dunyoning 54-raketkasi bo'lib turgan kolumbiyalik tennis malikasi hal qiluvchi final bahsida reytingning 223-pog'onasidan joy olgan polshalik Katarjina Kavani ikki setda ham bir xil hisobda mag'lubiyatga uchratdi - 6/3, 6/3. 

Sakson olti daqiqa davom etgan bahsda Osorio 3, Kava 1 ta eys zarbasini amalga oshirgan. Osorio bu bilan chempionlik unvonini himoya qildi.