Kamilla Rahimova hamda Polina Kudermetova Australian Open turnirida yakkalik bahslaridagi ishtirokidan qancha pul ishlab olishdi?

Mamlakatimizning birinchi raqamli ayol raketka ustasi bo'lmish Rahimova ilk davrada dunyoning uchinchi raketkasi, amerikalik Koko Goff bilan bahs olib bordi va 2/6, 3/6 hisobida imkoniyatni boy berib, musobaqani tark etdi.

Kudermetova esa birinchi bosqichda ispaniyalik Giomar Maristanini 6/2, 6/3. hisobida engdi. Daniyalik 23 yoshli Klara Tausonga qarshi kechgan bahsda esa Polina 3:6, 6:3, 5:7 hisoblarida mag'lubiyatga uchradi.

Endi har ikki tennischimiz juftlik yo'nalishidagi bellashuvlarda o'z omadlarini sinab ko'rishadi. Malum bo'lishicha, yakkalik bahslari orqali Kamilla Rahimova 101 ming, Polina Kudermetova esa 151 ming AQSH dollari miqdorida kafolatlangan gonorarni ishlab olgan.