Karate WKF. Toshkent viloyati jamoasi Tailanddagi musobaqada 8 ta medal qo'lga kiritdi

Ushbu xalqaro musobaqada dunyoning yigirmaga yaqin davlatdan kelgan sportchilar g'oliblik uchun tatamiga chiqishdi. Quvonarlisi, ushbu xalqaro musobaqada sport delegaciya rahbari SHoxrux Jo'raev boshchiligidagi karatechilarimiz ijobiy natijalarga erishishdi. 

Xususan, Toshkent viloyati jamoasining ham ishtiroki etirofga sazovor bo'ldi. Mazkur xalqaro musobaqada ishtirok etgan tajribali murabbiylar Dilshod Yusupov (Toshkent tumani) va Hamdamjon SHodibekov (Bekobod sh.) shogirdlari 4 ta oltin va 4 ta kumush  medalini qo'lga kiritishdi. 

Musobaqa yakunida terma jamoamiz umumjamoa hisobida faxrli ikkinchi o'rinni egalladi. 

G'olib va sovrindorlarimiz:

Oltin medal 

Rustamjon Sobirov (Bekobod sh.) 

Jaloliddin Aripov (Bekobod sh.) 

Kamronbek Kamilov (Bekobod sh.) 

Kamronbek Rustamjonov (Bekobod sh.) 

Kumush medal 

Saidkamol Adilov (Toshkent t.) 

Zubayir Azadov (Toshkent t.) 

Kamronbek Abduqayumoa (Bekobod sh.) 

Ziyovuddin Imomov (Bekobod sh.) 

SHuningdek, murabbiylar Dilshod Yusupov va Hamdamjon SHodibekovlar musobaqa tashkilotchilari tomonidan maxsus tashakkurnoma bilan taqdirlanishdi. 

Ilhom RAHMONOV tayyorladi