Karen Xachanov qatorasiga ikkinchi hafta ham finalda o'ynaydi

Erste Bank Open turnirida final ishtirokchilari malum bo'ldi. ATP reytingida 24-pog'onadan joy olgan rossiyalik Karen Xachanov 1/2 finalda lunyoning 10-raketkasi, avstraliyalik Aleks De Minaurni ortiqcha qiyinchiliksiz mag'lubiyatga uchratdi - 6/2, 6/4. 

Bu bilan u qatorasiga ikkinchi hafta ham ATP turniri finaliga yo'l oldi. U o'tgan hafta Qozog'istonning Olma-Ota shahrida o'tkazilgan ATP 250 turnirining finalida kanadalik Gabriel Dialloni 6/2, 5/7, 6/3 hisobida mag'lub etib, bosh sovrin sohibiga aylangandi.

Kechagi 91 daqiqa davom etgan 1/2 finalda u 9 ta eys, 4 ta breyk qayd etib, qo'shxatoga yo'l qo'ymadi. De Minaurga qarshi kechgan uchinchi uchrashuvda u hisobda oldinga chiqib oldi - 2:1. Bugun Karen Erste Bank Open bosh sovrini uchun britaniyalik Jek Dreyperga qarshi kortga chiqadi.