Karlos Alkaraz Pekinda muvaffaqiyatli start oldi

Dunyoning uchinchi raketkasi Karlos Alkaraz musobaqadagi ishtirokini g'alaba bilan boshlab oldi. Ispaniyalik tennischi ilk davrada ATP reytingida 51-pog'onada borayotgan franciyalik Jovanni Mpetshi-Perrikarni ikki setda ham bir xil hisobda mag'lub etdi - 6/4, 6/4.

Bu tennischilarning o'zaro o'tkazgan ilk uchrashuvi edi. Sakson ikki daqiqa davom etgan bahsda Alkaraz 4, Mpetshi-Perrikar 6 ta eys zarbasini amalga oshirgan. Qo'shxatolar francuz tennischisida ancha ko'p bo'ldi - 6 ga 1. Breyklar bo'yicha ustunlik tabiiyki, Karlos tomonida - 2 ga 0! Endi u niderlandiyalik Tallon Grikspurga qarshi kortga chiqadi.