Karlos Alkaraz "Rolan Garros" 1/2 finalida!

Ispaniyalik tennischi "Katta Dubulg'a" turkumiga kiruvchi "Rolan Garros" turnirining 1/4 finalida dunyoning to'qqizinchi raketkasi bo'lib turgan greciyalik Stefanos Cicipasni mag'lubiyatga uchratdi - 6/3, 7/6(3), 6/4. Tennischilarning o'zaro uchrashuvlarida mutlaq ustunlik Alkaraz tomonida - 6:0. 

Ikki soatu 18 daqiqa davom etgan bahsda Alkaraz 3, Cicipas 2 ta eys zarbasini amalga oshirgan. Qo'shxatolar grek tennischisida ko'proq bo'ldi - 4 ga 1. Breyklar bo'yicha ustunlik ham xuddi shu hisob ko'rinishida Karlos foydasiga - 4 ga 1! Alkaraz qatorasiga ikkinchi yil ham Cicipasni "Rolan Garros" 1/4 finalida mag'lubiyatga uchratdi.