30 may 13:20
Yangiliklar

Tennis

Karlos Alkaraz "Rolan Garros" uchinchi davrasiga yo'l oldi

Dunyoning uchinchi raketkasi Karlos Alkaraz Parij shahrida davom etayotgan "Katta Dubulg'a" turkumiga kiruchi Franciya Ochiq chempionatining uchinchi davra ishtirokchisiga aylandi.

Ispaniyalik tennis yulduzi ikkinchi davrada ATP reytingida 176-pog'onadan joy olgan niderlandiyalik Yesper De Yongni to'rt set natijasiga ko'ra mag'lubiyatga uchratdi - 6/3, 6/4, 2/6, 6/2. Bu tennischilarning o'zaro o'tkazgan ilk uchrashuvi bo'ldi.

Uch soatu 9 daqiqa davom etgan bahsda ikkala tennischi ham 2 tadan eys zarbasini amalga oshirgan. Qo'shxatolar Yesperda ko'proq bo'ldi - 7 ga 2. Alkaraz 8, De Yong 5 ta breykka erishgan.