27 may 11:02
Yangiliklar

Tennis

Karlos Alkaraz "Rolan Garros"dagi yurishini boshladi

Franciya poytaxti Parij shahrida tennis bo'yicha "Katta Dubulg'a" turkumiga kiruvchi "Rolan Garros" turnirining asosiy to'r bahslari start oldi.

Erkaklar o'rtasidagi musobaqada dunyoning uchinchi raketkasi Karlos Alkaraz birinchi davradagi raqibi, ATP reytingida 107-pog'onada borayotgan amerikalik Jey-Jey Vulfni sezmadi - 6/1, 6/2, 6/1. Bu tennischilarning o'zaro o'tkazgan ilk uchrashuvi edi.

Bir soatu 52 daqiqa davom etgan bahsda Alkaraz 5 ta eys, 9 ta breykni amalga oshirib, 1 ta qo'shxatoga yo'l qo'ydi. Endi ispaniyalik tennischi Franciya Ochiq chempionatining ikkinchi bosqichida britaniyalik Jek Dreyperdan ustun kelgan niderlandiyalik Yesper de Yongga qarshi kortga chiqadi.