Klopp Gakponing "Liverpul"ga o'tishida muhim rol o'ynadi

Kodi Gakponing "Liverpul"ga o'tishida Yurgen Klopp muhim ahamiyat kasb etdi.

Jurnalist Fabricio Romanoning yozishicha, "Liverpul" bosh murabbiyi Gakpo bilan muzokaralarda hal qiluvchi rolni o'ynagan.

Klopp jarohatlangan futbolchilar ko'payib ketgani bois "Liverpul"dan yangi vinger xarid qilishni so'radi. Murabbiyning xohishidan kelib chiqib, klub rahbariyati tezkorlik bilan harakatga tushdi.

"Liverpul" tezda Gakponi jamoaga qo'shilishga ko'ndirdi – bir yil oldin Luis Dias xuddi shu yo'sinda jamoaga kelib qo'shilgandi. Kodi bo'yicha PSV bilan shartnoma allaqachon yopilgan.

Xabar qilinishicha, Gakpo "Liverpul" bilan 6 yillik kelishuv imzolaydi. U uchun bonuslarsiz 37 million funt to'lanadi.

Kecha PSV Gakpo transferi bo'yicha "Liverpul" bilan kelishuvga erishganini elon qildi.

Gakpo joriy mavsum PSV safida 24 ta o'yinda 13 ta gol urdi va 17 ta golli uzatmani amalga oshirdi. U JCH-2022da 5 ta o'yinda ishtirok etib, 3 ta to'p kiritdi.