12 iyu 11:23
Yangiliklar

Tennis

Kreychikova - "Uimbldon"ning ikkinchi finalchisi!

Dunyoning to'rtinchi raketkasi Elena Ribakina tennis bo'yicha "Katta Dubulg'a" turkumiga kiruvchi Uimbldon turnirining 1/2 finalida o'z yurishini to'xtatdi.

Qozog'istonlik tennis malikasi WTA reytingida 32-pog'onada borayotgan chexiyalik Barbora Kreychikovaga uch set natijasiga ko'ra imkoniyatni boy berib qo'ydi - 6/3, 3/6, 4/6. Barbora Elena noqulay raqib bo'lib qolmoqda. Tennischilarning o'zaro uchrashuvlaridagi hisob yiriklashdi - 3:0.

Ikki soatu 9 daqiqa davom etgan bahsda Ribakina 8, Kreychikova 4 ta eys zarbasini ijro etgan. Qo'shxatolar Barborada ikki barobar ko'proq bo'ldi - 6 ga 3. Breyklar bo'yicha ustunlik ham chexiyalik tennischi tomonda bo'ldi - 4 ga 3!

Kreychikova faoliyatida ikkinchi bor "Katta Dubulg'a" turniri finalida o'ynaydi. U 2021 yilda "Rolan Garros" bosh sovrinini qo'lga kiritgandi. CHexiyalik yangilanadigan reytingda Top-15`ga qaytadi. Uning finaldagi raqibasi italiyalik Jasmine Paolini bo'ladi.