Krishtianu reallikni his qilmayapti. Uning egosini qondiradigan klub qolmadi

Aniqroq aytadigan bo'lsak, reallikni qabul qilmayapti va Evropada uning egosini qondiradigan klub qolmagan.

Uzoq yillardan beri portugaliyalik yulduzga agentlik qilib kelayotgan Jorje Mendeshga yaqin manbaalardan biri yaqinda Saudiya Arabistoniga ko'chib o'tgan Krishtianu Ronalduni haddan tashqari reallikdan uzoqlashganlikda aybladi va qattiq tanqid qildi. Manba Ronaldu egosi bilan bog'liq muammo tufayli Evropaning birorta klubi uning takliflarini qabul qilmagani, uning shartlari haddan tashqari katta va egoistik ekani Evropa klublariga yoqmaganini aytib o'tdi.

Esingizda bo'lsa, Ronalduning Pirs Morganga bergan intervyusi uning "Manchester Yunayted" bilan shartnomasini muddatidan avval bekor bo'lishiga sabab bo'lgan edi. U bilan deyarli 20 yildan beri do'stona aloqalarda bo'lgan va uning imij huquqlariga egalik qilgan agenti Jorje Mendesh unga bunday intervyu bermaslikni hamda intervyuda aytgan gaplarini aytmaslikni maslahat bergan edi. Ammo Ronaldu unga quloq solmadi hamda 20 yillik do'stona munosabatlar va hamkorlikka putur etkazdi.

"Krishtianu Ronalduda haqiqiy reallikni his qilish bo'yicha muammolar bor. SHuning uchun u unga bildirilayotgan maqtovlarni haqiqiy yoki soxta ekanligini ham ajrata olmayapti. Uning atrofidagilar unga shunday maqtovlar yoqishini va u maqtovdan boshqasini tushunmasligini yaxshi biladi".

Krishtianu Ronaldu o'zining yulduzligini va shuhratini ko'tara olmadi. Uning egosini, moliyaviy shartlarini qabul qiladigan va ko'taradigan birorta klub yo'q. Bunday shartlar uning miyasida bor, reallikda esa ularni hech kim qabul qila olmaydi".