Levandovski Messi va Ronalduning natijasini takrorladi

Manba malumotiga ko'ra, Levandovski 2025/2026 yilgi La Liga mavsumida 10 ta gol urdi. SHu tariqa u XXI asrda Evropaning kuchli beshta chempionatida ketma-ket 15 mavsum davomida ikki xonali gollar soniga etgan uchinchi futbolchiga aylandi. 

Bungacha bunday natijaga Krishtianu Ronaldu (16 mavsum) va Lionel Messi (15 mavsum) erishgan. Ronaldu bu natijani Angliya Premer-ligasida ("Manchester Yunayted"), La Ligada ("Real") va Italiya A Seriyasida ("Yuventus") qayd etgan. Messi esa Ispaniya chempionatida ("Barselona") va Franciya Ligasida ("PSJ") ushbu natijani ko'rsatgan.

Malumot uchun, polshalik hujumchi mazkur yutuqni La Liganing 23-turidan o'rin olgan "Malorka"ga qarshi bahsda (3:0) kiritgan goli orqali qayd etdi.

Levandovski "Barselona" safida 2022 yil yozidan buyon to'p surib kelmoqda. U bunga qadar "Bavariya" hamda Dortmundning "Borussiya" jamoalarida faoliyat yuritgan. Joriy mavsumda hujumchi barcha musobaqalarda 28 ta uchrashuvda ishtirok etib, 13 ta gol va 3 ta golli uzatmaga mualliflik qilgan.