Lomachenko - Kempbell. "Oy jangi" uchun atalgan PREVYU

Ikki karra Olimpiada chempioni boshqa bir Olimpiya o'yinlari g'olibiga qarshi jang qiladi. Lyuk butun dunyoni hayratga solib, chempionlik kamarlariga ega chiqishni istamoqda, Loma esa yana bir bor jahoning eng zo'ri ekanligini isbotlash uchun jang qiladi. Bu to'qnashuv so'zsiz yoz faslining eng qiziqarli jangi bo'ladi. Lyuk raqibiga nisbatan besh santimetr uzun, shuningdek qo'llar uzunligi borasida ham Lyukning imkoniyatlari baland. Ko'pchilikka Lyuk Vasiliydan yosh deb hisoblansa ham, har ikki bokschi ham tengdosh hisoblanadi. Kempbell va Lomachenko 31 yoshda. Bu sportchilar haqida qisqacha malumot edi. 

Endi bokschilarning jang uslubi haqida fikr bildirsak. Dastlab davogar Lyuk Kempbell haqida. Lyuk - harakatlanuvchi bokschilar qatoriga kiradi. U asosan raqiblariga jeb zarbalarini berishni yaxshi ko'radi yoki raqibning tanasiga ko'p zarba beradi. Kempbell raqiblarini himoyalanishga majbur qilishga harakat qiladi hamda asosan pancher bo'lib emas, balki ochko zarbalarini beradi. Lyuk asosan jangning ikkinchi qismida kuchli boks ko'rsatadi. 

Lomachenko esa birinchi navbatda juda ham aqlli jang qiladi. U juda tezkor hamda texnikasi mukammal bokschi. Loma so'zsiz tezlik borasida Lyukdan ustun. Loma ham Lyuk singari chapaqay. Lomachenko janglarda to'liq ustunlik qilishga intiladi hamda janglarni iloji boricha tezroq yakunlashga harakat qiladi. Ko'pchilik ekspertlarning fikricha, Lomachenko raqibini qiyinchiliksiz mag'lub etadi. To'g'ri Lyuk yaxshi bokschi, lekin Lomachenko eng zo'ri.

Eslatib o'tamiz, jang bugun tunda Toshkent vaqti bilan soat 01:30 dan so'ng boshlanishi rejalashtirilmoqda. To'qnashuv "Match TV" telekanali orqali jonli efirda namoyish etiladi. Undan oldin esa soat 01:00 da Povetkin - Fyuri jangini tomosha qilish mumkin bo'ladi. 

Nig'monxo'ja Nozimov tayyorladi