Maftunkor Ejeni Bushar faoliyatidagi so'nggi uchrashuvini o'tkazdi

Kanadaning Monreal shahrida o'tkazilayotgan WTA 1000 toifasiga kiruvchi turnir kanadalik tennis malikasi uchun faoliyatidagi so'nggi musobaqa bo'lib qoldi. 31 yoshli Bushar ushbu turnirning ikkinchi davrasida shveycariyalik Belinda Benchichga 2/6, 6/3, 4/6 hisobida imkoniyatni boy berib qo'ydi. 

"Men shu kortlarda katta bo'ldim. Bolaligimda bu erda o'tkazilgan o'yinlarni tomosha qildim. O'zim havas qilgan joyda faoliyatimni yakunlash ham og'ir, ham maroqli. Tennis menga o'zim xohlagandan ham ko'p narsani berdi. O'tgan yillar davomida yonimda bo'lgan, meni har tomonlama qo'llab-quvvatlagan insonlarga cheksiz minnatdorligimni izhor qilaman. Onam, otam, akam, opa-singillarimga rahmat. Sizlarsiz men hozir bu erda bo'lmasdim", - deya ko'zida yosh bilan uchrashuvdan so'ng kortda intervyu bergan Ejeni.

Malumot uchun, Ejeni Bushar Uimbldon-2014 vice-chempioni hisoblanadi. O'sha yili u  "Katta Dubulg'a" turkumiga kiruvchi Australian Open va "Rolan Garros" turnirlari 1/2 finaliga qadar etib borgan. 2023 yilda Kanada terma jamoasi bilan Billi Jin King Kubogini qo'lga kiritgan. Nyurnberg WTA 250 turniri chempioni bo'lgan. Sakkiz marotaba WTA turnirlarida finaliga qadar etib borgan.