Maftunkor UFC chempioni Ronda Rouzi faoliyatini yakunladi

Amerikalik sobiq jahon chempioni ona bo'lishga taraddud ko'rmoqda. Uning turmush o'rtog'i superog'ir vazn toifasida sobiq UFC chempioni Trevis Braun. 

"Men kelajagim bo'yicha bir qarorga keldim. Sportdagi o'z missiyamni bajarib bo'ldim. Endi ayollik vazifam, burchimni bajarishim kerak", - deya Rouzining so'zlaridan iqtibos keltirmoqda The Sun nashri.

Eslatib o'tamiz, Ronda shu yilning aprel oyida restling bo'yicha WWE promousheni doirasida o'tkazilgan chempionlik jangida irlandiyalik Bekki Linchga imkoniyatni boy bergandi. Aynan shu jang uning faoliyatidagi so'nggisi bo'lib qoldi.

Malumot uchun, Ronda Rouzi UFC promoushenida 14 ta jang o'tkazgan. Hisobida 12 ta g'alaba, 3 ta nokaut bor. Ronda ayollar o'rtasida engil vazn toifasida UFC chempioni bo'lgan ilk jangchi hisoblanadi.