Mahmud Muradov qachon jang qilishi mumkinligi haqida malum qildi

"Assalomu alaykum aziz do'stlar. So'nggi kunlarda menga Pragada vaziyat qanday va uydan tashqarida mashq qilishga imkon bormi degan savollar tez-tez kela boshladi. CHexiyada koronavirus bilan bog'liq vaziyat sezilarli darajada yaxshilandi, karantin choralari biroz yumshadi va men sport zalida mashq qilish imkoniyatiga ega bo'ldim, albatta, barcha xavfsizlik qoidalariga rioya qilgan holda. Ko'plab obunachilarimni qiziqtiradigan yana bir mavzu - bu keyingi jang sanasi. Biz o'zimiz UFCdan yangiliklarni kutmoqdamiz, chunki ko'plab mamlakatlar chegaralari hanuzgacha yopiq va hamma joyda ham karantin tugamagan. Men qachon va kim bilan jang qilishim, butun dunyoda koronavirus bilan bog'liq vaziyat yaxshilansagina malum bo'ladi. Qiziqishingiz uchun katta rahmat. InshaAllah tez orada sizlarni yaxshi xabarlar bilan hursand qilaman", - degan Mahmud Muradov.