Makgregor Meyvezerga qarshi jang necha raund davom etishini aytdi

Irlandiyalik jahon chempionining so'zlariga qaraganda jang uzog'i bilan 3 raund davom etadi va Meyvezerning mag'lubiyati bilan yakunlanadi.

“Aksariyat janglarimni birinchi raundda yakunlaganman. Boz ustiga qo'lqoplarim ham boksdagidek katta bo'lmagan. Sizlarni ishontirib aytamanki, ikki yoki uchinchi raundda men Floydni nokautga uchrataman.

O'tkazib yuborilgan kuchli zarbadan so'ng uning ixtiyorida o'rnidan turish uchun 10 soniya vaqt bo'ladi. Lekin u turib olishi uchun o'zida kuch topa olarmikan?”, - dedi Makgregor.