Marmushninng "Manchester Siti"dagi maoshi malum

"SHaharliklar" "Ayntraxt" hujumchisi Omar Marmushning transferi bo'yicha kelishuvga erishdi. Misrlik futbolchi uchun ingliz jamoasi 75 million evro sarflaydigan bo'ldi. Hujumchining o'zi bilan esa besh yillik shartnoma imzolanadi. 

Manbaga ko'ra, futbolchining maoshi soliqlardan keyin yiliga 10 million evro atrofida bo'ladi. Ushbu mavsumda hujumchi 26 o'yinda 20 ta gol va 14 assist qayd etib, Bundesligada Xarri Keyndan keyingi to'purar bo'lib turibdi.