Matchboldan chiqib ketgan Xolger Rune "Masters" 1/4 finaliga yo'l oldi

Daniyalik tennischi ATP reytingida 12-pog'onada borayotgan amerikalik Teylor Fritcga qarshi kechgan to'rtinchi davra uchrashuvida matchboldan chiqib ketishga muvaffaq bo'ldi - 2/6, 7/6(2), 6/3. Bu bilan u tennischilarning o'zaro uchrashuvlaridagi hisob muvozanatini ham tiklab qo'ydi - 1:1.

Ikki soatu 20 daqiqalik bahsda Rune 4, Fritc 8 ta eys zarbasini ijro etgan. Qo'shxatolar Xolgerda bittaga ko'proq bo'ldi - 4 ga 3. Endi 20 yoshli Xolger Rune yarim final chiptasi uchun rossiyalik Daniil Medvedevga qarshi kortga chiqadi.