04 mar 15:19
Yangiliklar

Futbol

"Menga umuman qizig'i yo'q!" - Tramp Eronning JCH-2026`ni boykot qilish ehtimoliga munosabat bildirdi

AQSH prezidenti Donald Tramp Eron terma jamoasining Qo'shma SHtatlar bilan davom etayotgan siyosiy va harbiy mojarolar sababli 2026 yilgi Jahon chempionatida ishtirok etishdan bosh tortishi mumkinligi haqidagi xabarlarga keskin javob qaytardi.

"Ularning kuchi tugamoqda"

Tramp ushbu ehtimoliy boykot masalasiga juda sovuqqonlik bilan qaradi:

"Menga buning umuman qizig'i yo'q. O'ylashimcha, Eron — tor-mor etilgan va mag'lubiyatga uchragan mamlakat. Ularning kuchi o'z nihoyasiga etmoqda", — dedi AQSH prezidenti.

Eslatib o'tamiz, 2026 yilgi mundial AQSH, Kanada va Meksika maydonlarida bo'lib o'tadi. Avvalroq Eronning Ispaniyadagi elchisi Reza Zabib barcha mojarolarga qaramay, Eron terma jamoasi musobaqaga borishga to'la haqli ekanini va turnirda ishtirok etishini takidlagan edi.