15 avg 16:20
Yangiliklar

Boks/MMA

Meyvezer Makgregor bilan UFC qo'lqoplarida jang qilishga tayyor

Engilmas bokschi Floyd Meyvezer Konor Makgregorga qarshi kechadigan jangda UFC yo'nalishidagi qo'lqoplarda jang qilishga qarshi emas.

“Konor boks qo'lqoplaridan noliyapti. Men unga: “Eshit, istasang sen bir umr jang qilib kelgan UFC qo'lqoplaridan foydalanamiz. Tokay, hech qanday bahonang qolmasin”, – dedi Meyvezer ESPN kanaliga bergan intervyusida.

Eslatib o'tamiz, reglamentga ko'ra jang 69,85 kilogramm vaznda o'tkaziladi. Floyd Meyvezer va Konor Makgregor o'rtasidagi jang 26 avgust kuni Las-Vegas (AQSH) shahrida bo'lib o'tadi.