Mirjalol Qosimov: "To'ydan oldin nog'ora chalib bo'lmaydi. Hammasi Lyovdan boshlandi"

- Mirjalol Qo'shoqovich, OAVda tarqalgan xabarlarga ko'ra, O'FA Fabio Kannavaroni MTJga bosh murabbiy etib tayinlamoqchi. Ushbu qaror bo'yicha fikr bildirib o'tsangiz?

- Associaciya rahbarlari barchasini hisobga olib taklif qilishayotgandir. Qanday natija berishini esa mundialdan so'ng bilamiz. To'ydan oldin nog'ora chalib bo'lmaydi deyishadi-ku. Terma jamoaga omad. OAV orqali o'qidim, Kapadze ham murabbiylar shtabida qolar ekan. Kapadzening qolishi ham ancha katta foyda bo'ladi.

- Ko'pchilik jurnalistlar ushbu qarorga salbiy fikr bildirmoqda. Bunga sabab Kannavaroning murabbiylik faoliyatida barqarorlik yo'qligi. Ko'plab klublarda ishlagan, ammo juda qisqa vaqt davomida. Ushbu jihatlarni hisobga olgan holda terma jamoaga Kannavaroni olib kelish xavfli emasmi?

- Aytyapman-ku, mutasaddilar ushbu jihatlarni ko'rib chiqishgan. Bunday qarorlar o'zidan-o'zi paydo bo'lib qolmaydi. Ko'pchilikning fikri ham bo'lindi. Kimdir top murabbiyni xohladi, kimdir esa yo'q. Hammasi Yoaxim Lyovdan boshlandiku. Oldindan bir narsa deb bo'lmaydi. Yakuniy bahoni jahon chempionatidan so'ng beramiz. Ertaga natija ko'rsatib qo'yishimiz ham mumkin. Agar guruhdan chiqib, yaxshi ishtirok eta olsak, bu to'g'ri qaror bo'lgan ekan deb qolamiz. Futbolda hech narsani oldindan bilib bo'lmaydi.

Abdulvosit Bektemirov suhbatlashdi