13 apr 14:01
Yangiliklar

Tennis

Monte-Carlo Masters. Sinner Runedan ustun keldi

Monte-Karlo "Masters" turnirida yana bir 1/2 finalchining nomi malum bo'ldi.

Grunt qoplamali nufuzli turnirning 1/4 finalida dunyoning ikkinchi raketkasi bo'lib turgan italiyalik Yannik Sinner ATP reytingida 7-pog'onada joy olgan daniyalik Xolger Runeni 6:4, 6:7 (6:8), 6:3 hisobida mag'lubiyatga uchratdi. Bu bilan Yannik tennischilarning o'zaro uchrashuvlaridagi hisob muvozanatini tikladi - 2:2.

Ikki soatu 42 daqiqa davom etgan bahsda Sinner 5, Rune 6 ta eys zarbasini amalga oshirgan. Xolgerda qo'shxatolar uch barobar ko'p bo'ldi - 6 ga 2. Endi italiyalik tennischi "Masters"ning final chiptasi uchun greciyalik Stefanos Cicipasga qarshi kortga chiqadi.