08 apr 11:03
Yangiliklar

Tennis

Monte-Karlo "Masters". Medvedev rus derbisida Xachanovni mag'lub etdi

Monte-Karlo Knyazligida tennis bo'yicha "Masters" seriyasiga kiruvchi nufuzli turnir bo'lib o'tmoqda.

Dunyoning 11-raketkasi Daniil Medvedev ilk davrada reytingning 25-pog'onasida borayotgan vatandoshi Karen Xachanovga qarshi kortga chiqdi. Ikki soatu 51 daqiqa davom etgan rus derbisida tajribali Medvedev 7/5, 4/6, 6/4 hisobida g'alaba qozondi.

Daniil Medvedev tennischilarning o'zaro uchrashuvlarida katta farq bilan oldinda bormoqda - 7:2. Medvedev 4, Xachanov 1 ta ey zarbasini amalga oshirgan. Breyklar bo'yicha ustunlik ham g'olib tennischi tomonida bo'ldi - 9 ga 8. Endi u ikkinchi davrada franciyalik Aleksandr Myullerga qarshi bahs olib boradi.