Murodjon Ahmadaliev Nyu-Yorkda, demak “Madison Square Garden”da jang o'tkaziladi

Xabaringiz bor, charm qo'lqop ustamiz 13 sentyabr kuni Nyu-Yorkdagi muhtasham "Medison Skver Garden" saroyida ushbu vaznda WBA va IBF chempionlik kamarlari sohibi Daniel Romanga qarshi ringga ko'tarilishi kerak edi. 

Lekin Roman jangga 10 kun qolgan bir paytda jarohat sabab ringga chiqa olmasligi oydinlashgandi. SHunday bo'lsa-da, Murodjon Ahmadaliev bugun Nyu-Yorkka etib borgan va 13 sentyabr kuni navbatdagi jangini o'tkazadi. 

"Murabbiylarim bilan Nyu-Yorkka etib keldim. Katta ehtimol bilan jang o'tkaziladi. Faqat raqibim Roman emas, boshqa bir bokschi bo'ladi. SHuncha tayyorgarlik bekor ketmasligi kerak. Promouter va menejerlarim bir necha bokschilar bilan muzokara olib boryapti. 

Nasiyu qilsa, ikki-uch kun ichida 13 sentyabr kungi jangdagi raqibim kim bo'lishini elon qilamiz. Yurtdoshlarimiz duo qilib turishsa, navbatdagi g'alabam bilan ularni xushnud etishga astoydil harakat qilaman. Roman bilan jang esa yil oxiri yoki 2020 yilning boshida bo'lib o'tadi", - dedi Ahmadaliev.