"Neft qazib chiqaruvchi mamlakatlar kubogi"da ishtirok etgan bokschilarimiz O'zbekistonga qaytib kelishdi + FOTO

Mehnat Qahramoni Farman Qurban ogli Salmanov xotirasiga bag'ishlangan mazkur turnirda 23 mamlakat bokschilari ishtirok etishdi. 

Bellashuvlarda ishtirok etgan charm qo'lqop ustalarimiz musobaqa yakuniga ko'ra, 2 ta oltin, 2 ta kumush hamda 2 ta bronza medallarini qo'lga kiritishdi va umumjamoa hisobida ikkinchi o'rinni egallashdi. Birinchi o'rinni mezbon Rossiya terma jamoasi egallagan bo'lsa, kuchli uchlikka Qirg'iziston vakillari yakun yasashdi. 

Kecha mazkur musobaqada ishtirok etgan bokschilarimiz yurtimizga qaytib kelishdi. Ular Islom Karimov nomidagi Toshkent xalqaro aeroportida O'zbekiston boks federaciyasi mutasaddilari tomonidan kutib olindi. 

Eslatib o'tamiz, turnirda quyidagi bokschilarimiz sovrindor bo'lishdi:

-57 kg: Fazliddin Kattaqulov (oltin)

+91 kg: Lazizbek Mullajonov (oltin)

-75 kg: Abu Nuranov (kumush)

-91 kg: Jamshid Abdullaev (kumush)

-63 kg: Aliyor Noraliev (bronza)

-81 kg: SHohrux Rustamov (bronza)

O'zbekiston boks federaciyasi matbuot xizmati