11 noy 12:36
Yangiliklar

Boks/MMA, Olimpiya o'yinlari

IV Yoshlar Olimpiadasi. Bugun bokschilarimiz final uchun ringga ko'tariladi. Juftliklarning birida o'zbek-qozoq qarama-qarshiligiga guvoh bo'lamiz

Senegal poytaxti Dakar shahri mezbonligida o'tayotgan IV Yozgi Yoshlar Olimpiya o'yinlarining boks musobaqasida bugun 1/2 final janglari tashkil etiladi.

Xabar berganimizdek, bokschi qizlarimizdan ikki nafari kechagi janglarda yarim final yo'llanmasini qo'lga kiritgan edi. Bugun ular final chiptasi uchun ringga chiqishadi.

-54 kg vazn toifasida yurtimiz sharafini himoya qilayotgan Sabrina CHakomanova qozog'istonlik Maral Tolepbergenga, -60 kg vazndagi vakilamiz Rushanabonu Isoeva misrlik Menatella Ibrahimga qarshi jang o'tkazadi.

Har ikki bokschimiz Yoshlar Olimpiadasining kamida bronza medalini naqd qilib ulgurgan. Sabrinaning jangi bizning vaqt bilan soat 22:45, Rushanabonuning bahsi esa 23:15da boshlanadi.