"Neshvill" "Inter Mayami"ni tor-mor etdi. Messi penaltini amalga oshira olmadi + VIDEO

Uchrashuv Neshvilldagi (AQSH) "GEODIS Park" stadionida bo'lib o'tdi va mezbonlarning 4:1 hisobidagi g'alabasi bilan yakunlandi. "Neshvill" tarkibida Endi Naxar, Xani Muxtar (ikkita gol) va Sem Sarridj gol urdilar.

"Inter Mayami"dan yagona javob to'pini Lionel Messining uzatmasidan so'ng Telasko Segoviya kiritdi. 23-daqiqada afsonaviy argentinalik hujumchi penaltidan unumli foydalana olmadi.

O'n to'qqizinchi turdan so'ng "Neshvill" va "Inter Mayami" MLS umumiy turnir jadvalida peshqadamlik qilishmoqda, Messi jamoasi raqibidan besh ochkoga ortda qolmoqda.

MLSning navbatdagi o'yinida "Neshvill" mehmonda "Nyu-York Red Bullz" bilan kuch sinashadi, "Inter Mayami" esa safarda "Filadelfiya Yunion"ga qarshi maydonga tushadi. Ikkala uchrashuv ham 20 avgust kuni bo'lib o'tadi.