Neymar "Oltin to'p" natijalari haqida: "Rafinyaning 5-o'rinda turishi - shunchaki masxarabozlik"

Xabaringiz bor, Parijda France Football talqiniga ko'ra yilning eng yaxshi futbolchisini taqdirlash marosimi bo'lib o'tdi va unda "Oltin to'p" "PSJ" qanot hujumchisi Usman Dembelega nasib etdi.

Neymar braziliyalik tasirli shaxs Eduardo Semblanoning ijtimoiy tarmoqdagi postiga ovoz berish natijalarini tanqid qilib, izoh qoldirdi. Bloger yakuniy reytingning eng yuqori o'ntaligini elon qilib, shunday deb yozdi: "Ular o'zlaridan ketib qolishdi. Bundan ko'ra, mukofotni yana Messiga berganlarida yaxshiroq bo'lardi! Jin ursin, Rafinya 5-o'rinda! Vitinya uchinchi, Saloh to'rtinchi? Dembele esa g'olib bo'ldi. Daf bo'linglar".

Neymar esa ushbu post ostida izoh qoldirdi. 

"Rafinyaning 5-o'rinda turishi - shunchaki masxarabozlik" - deb yozdi "Santos" hujumchisi Neymar.