28 okt 07:56
Yangiliklar

Tennis

Nigina Abduraimova Lafboroda 1/2 finalga chiqdi

Buyuk Britaniyaning Lafboro shahrida tennis bo'yicha ITF 25 turniri bo'lib o'tmoqda.

Ushbu musobaqada hamyurtimiz Nigina Abduraimova ham o'z omadini sinab ko'rayotgani haqida xabar bergan edik. Mamlakatimizning birinchi raketkasi chorak finalda norvegiyalik Ulrikke Eykerini 4/6, 6/1, 6/0 hisobida mag'lubiyatga uchratdi.

Taqqoslash uchun, Abduraimova WTA reytingida 167, Eykeri 391-o'rinni egallab turibdi. Nigina Lafboro turnirining birinchi raketkasi sifatida harakat qilyapti. Bugun yurtdoshimiz 1/2 finalda estoniyalik Elena Maliginaga qarshi kortga chiqadi. Maligina reytingning 381-pog'onasidan joy olgan. Ushbu uchrashuv bizning vaqt bilan soat 14:30dan keyin boshlanadi.