26 okt 08:47
Yangiliklar

Tennis

Nigina Abduraimova Lafboroda muvaffaqiyatli start oldi

Buyuk Britaniyaning Lafboro shahrida tennis bo'yicha ITF 25 turniri bo'lib o'tmoqda.

Ushbu musobaqada hamyurtimiz Nigina Abduraimova ham o'z omadini sinab ko'rayotgani haqida xabar bergan edik. Mamlakatimizning birinchi raketkasi ilk davrada britaniyalik Ella Makdonaldni 6/4, 6/4 hisobida mag'lubiyatga uchratdi.

Taqqoslash uchun, Abduraimova WTA reytingida 167, Makdonald esa 1138-o'rinni egallab turibdi. Nigina Lafboro turnirining birinchi raketkasi sifatida harakat qilyapti. Bugun yurtdoshimiz 1/8 finalda italiyalik Anna Turatiga qarshi kortga chiqadi. Turati reytingning 407-pog'onasidan joy olgan. Ushbu uchrashuv bizning vaqt bilan soat 15:30dan keyin boshlanadi.