Nigina Abduraimova Slovakiyada finalga yo'l oldi

Sovrin jamg'armasi 60 ming dollarni tashkil etuvchi ushbu turnirda hamyurtimiz Nigina Abduraimova (192) ham muvaffaqiyatli ishtirok etyapti. Mamlakatimizning birinchi raketkasi kecha yarim final uchrashuvida chexiyalik Barbora Palicovaga (220) qarshi kortga chiqdi. 

1 soat 31 daqiqa davom etgan o'yinda Nigina 6:4, 7:5 hisoblarida g'alaba qozondi va finalga yo'l oldi. 

Endi Nigina bugun musobaqa bosh sovrini uchun xorvatiyalik Ana Konyuxga (137) qarshi kortga chiqadi. O'yin Toshkent vaqti bilan soat 15:00da boshlanadi.