Nurmagomedov - Fergyuson jangi o'tkazilishi mumkin bo'lgan mamlakat nomi malum qilindi

Lekin ayni paytda avjiga chiqayotgan koronavirus pandemiyasi sabab ushbu UFC oqshomi avvaldan belgilanganidek Nyu-York yoki Las-Vegasda o'tkazilmaydi. Har ikki shahar meriyalari har qanday ommaviy tadbirlarni o'tkazishni taqiqlab qo'ygan. 

So'nggi xabarlarga tayanadigan bo'lsak, UFC 249 turnirining markaziy jangi hisoblangan Xabib Nurmagomedov va Toni Fergyuson o'rtasidagi chempionlik to'qnashuvi Birlashgan Arab Amirliklaring Dubay yoki Abu-Dabi shahrida o'tkaziladi. Bu malumotni Xabibning otasi Abdulmanap Nurmagomedov ham tasdiqladi. 

"Xabib o'zini yaxshi xis qilyapti. Hammasi reja asosida ketmoqda. U koronavirusdan qo'rqmaydi. Jangning bo'sh tribunada o'tkazilishiga qanday munosabat bildiraman? Muxlislar bilan yaxshi, lekin ularsiz yana ham yaxshiroq bo'lardi. Katta ehtimol bilan jang Dubay shahrida o'tkaziladi. BAAda bir oydan keyin 30-40 daraja issiq bo'ladi. Koronavirus esa issiqda yashay olmaydi. Biz bu masalani UFC prezidenti Dana Uayt bilan maslahatlashamiz", - dedi katta Nurmagomedov.