Odiljon Aslonovning navbatdagi raqibi malum, u Golovkinning sobiq raqibi bilan jang qiladi

Bu haqida bokschimiz Olamsport.com sayti muhbiri bilan suhbatda malum qildi. 

Unga ko'ra Aslonov 21 mart kuni Vladikavkazda o'tkaziladigan jang oqshomida ugandalik Kassim Oumaga qarshi ringga ko'tariladi. Malumot uchun, Ouma shu kungacha prof boksda 44 ta jang o'tkazgan va ularning 29 tasida g'alaba qozongan (18 ta nokaut). 14 marotaba mag'lub bo'lgan (3 ta nokaut). 1 ta durangga erishgan. 

Qayd etish lozimki, u 2017 yili WBA kamari uchun Gennadiy Golovkinga qarshi ringga ko'tarilgan va mag'lub bo'lgan. Bundan tashqari, 2013 yilda boshqa bir hamyurtimiz Quvonchbek Toygonboev bilan ham to'qnash kelgan va g'alaba qozongan. 

Odiljon Aslonov esa prof boksda 2 marotaba jang qilib, ularning har ikkisida ham g'alaba qozongan. U janglarining birida raqibini nokaut evaziga ham mag'lub etishni uddalagan. 

Malumot uchun, o'sha kungi jang oqshomida boshqa bir bokschilarimiz SHukurjon Rahimov hamda Ulug'bek Mubinovlar ham ringga ko'tariladi.