Ons Jaber uchun mavsum yakunlandi

Tunislik tennischi bu yil hisobidan so'nggi uchrashuvini avgust oyining boshida Kanadaning Toronto shahridagi turnir doirasida o'tkazgan edi.

"Bu yilgi mavsum men uchun juda ham murakkab keldi. Biz sportchilarga tiklanish katta yo'lning bir qismi hisoblanadi. Elkamdagi jarohat kutganimdan ham jiddiy bo'lib chiqdi. SHifokorlar bilan maslahatlashgach, yil oxirigacha boshqa kortga chiqmaslikka qaror qildik. Bu bo'sh paytimni hayriya ishlariga sarflayman. Qo'llab-quvvatlaganingiz uchun rahmat. Men yanada kuchli bo'lib qaytishga harakat qilaman. 2025 yilgi mavsumni boshlab beruvchi Avstraliyadagi turnirlarda ko'rishguncha", - deb yozgan Ons o'zining ijtimoiy tarmoqdagi sahifalarida.