11 may 15:56
Yangiliklar

Tennis

Ons Jaber uchun Rim tatillari yakunlandi

Dunyoning to'qqizinchi raketkasi Ons Jaber Rimda davom etayotgan WTA 1000 toifasiga kiruvchi turnirdagi ishtirokini yakunladi.

Tunislik tennischi Internazionali BNL d'Italia turnirining 1/32 final bosqichida WTA reytingida 58-pog'onada borayotgan amerikalik Sofiya Keninga uch set natijasiga ko'ra imkoniyatni boy berib qo'ydi - 5/7, 6/2, 4/6.

Kenin tennischilarning o'zaro uchrashuvlarida katta farq bilan hisobda oldinda bormoqda - 6:2. Ikki soatu 19 daqiqa davom etgan bahsda Jaber 9 ta eys zarbasini amalga oshirgan. Sofiyada bunday zarbalar bo'lmadi. Ikkala tennischi ham 5 tadan qo'shxatoga yo'l qo'ydi. Breyklar ham bir xilda - 6 tadan bo'ldi.