O'quvchi-yoshlar o'rtasidagi kichik olimpiada Namanganda davom etadi

Xabaringiz bor, ushbu sport musobaqalarining final bosqichidan o'rin olgan 12 sport turi bo'yicha o'tkazilishi kerak bo'lgan 14 ta musobaqaning 6 tasi o'z yakuniga etgan.

Ertaga, 4 mart kuni final bosqichining ettinchi musobaqasi gandbol bo'yicha qizlar o'rtasida Namangan shahrida start oladi.

Musobaqada hududiy bosqichlarda eng kuchli ekanliklarini isbotlay olgan 4 ta hudud Toshkent shahri, Samarqand, Andijon va Navoiy viloyatlari terma jamoalari ishtirok etadi.

Eslatib o'tamiz, hozirgacha o'tkazilgan 6 ta musobaqadan so'ng «Barkamol avlod» sport musobaqalarining respublika final bosqichi yakuniy jadvalida Xorazm viloyati terma jamoasi 66 ochko bilan 1-o'rinda bormoqda. 2-o'rinda 65 ochko to'plagan Samarqand viloyati terma jamoasi joylashgan bo'lsa, 3-o'rinni 63 ochko bilan Buxoro va Farg'ona viloyati terma jamoalari bo'lishib turibdi.