O'smirlarimiz 18 ta medal bilan Osiyo chempionatida birinchi bo'lishdi!

Ikki kunlik bellashuvlarda o'smir dzyudochilarimiz tarixiy natija qayd etishdi. Terma jamoamiz 7 ta oltin, 3 ta kumush, 8 ta bronza, umumiy 18 ta medal bilan 21 davlat orasida umumjamoa hisobida 1-o'rinni egalladi. 

Koreya Respublikasi hisobida 3, qo'shni Qozog'istonda esa 2 ta oltin medal bo'ldi. Katta tafovut bilan Osiyo chempionatida tengsiz bo'ldik.       

Oltin medal sohiblari

-40 kg: Dilafruz Boltaboeva

-48 kg: Nargiza Do'stmamatova 

-60 kg: Muhammadkarim Nosirov 

-66 kg: Sanjarbek Ashurov

-90 kg: Jo'rabek Eshpo'latov

+90 kg: Alibek Durdiev

-70 kg: Intizor Uzakbaeva

Kumush medal sovrindorlari

-40 kg: Mohinur Ollaberganova 

-52 kg: Nigina Umrzoqova 

-57 kg: Maftuna Ahmedova

Bronza medal sovrindorlari

-50 kg: Muhammadqodir SHodmonov 

-55 kg: Abubakr Sattorov

-73 kg: Sadulla Ravshanov

-73 kg: Daulet Turdiyarov

-90 kg: Inomjon Bahodirov

-57 kg: Gulsanam Hazratqulova

-63 kg: Zuhra Umarova

+70 kg: Zarina Bobonazarova

Eng asosiysi, qita birichiligiga yo'l olgan 20 dzyudochimizdan 18 nafari yakunda shohsupaga ko'tarildi. Bu dzyudochilarimizning Osiyo dzyudochidagi mavqeidan darak bermoqda.