Ostin (WTA). Xitoy derbisida Yuan Yue g'alaba qozondi, bu uning ilk sovrini

Hal qiluvchi final uchrashuvida xitoylik ikki tennischi o'zaro ro'baro' keldi. Dunyoning 68-raketkasi bo'lib kelgan Yuan Yue reytingda o'zidan 4 pog'ona yuqorida borgan vatandoshi Syu Vanni 6/4, 7/6(4) hisobida mag'lubiyatga uchratdi. Bu hamyurtlarning o'zaro o'tkazgan ilk uchrashuvi edi. 

SHu tariqa, Yuan faoliyatidagi ilk sovrinni qo'lga kiritdi. Bu esa uning bugun elon qilinadigan yangi reytingda Top-50`da debyut qilishini taminlaydi. Ostindagi muvaffaqiyatli ishtirok Yuega 250 reyting ochkosi hamda 35,250 dollar mukofot puli keltirdi. Van esa bir haftalik mehnatidan 163 ochko va 20,830 dollar ishlab oldi.