"Otam, onam va men sog'lom sportchimiz": Toshkent viloyatida dam olish kunlari sportga bag'ishlandi

Toshkent viloyatida sportni yanada ommalashtirish, aholi o'rtasida sog'lom turmush tarzini keng targ'ib qilish va O'zbekiston Respublikasi Prezidentining 2020 yil 30 oktyabrdagi "Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida"gi Farmoni ijrosini taminlash maqsadida sport-talim muassasalari va turli korxona-tashkilotlarda ishchi-xodimlar hamda mahalla aholisi ishtirokida ertalabki badantarbiya mashg'ulotlari, yurish, yugurish kabi sport tadbirlari tashkil etilmoqda.

Aholi qatlamlarini bu kabi sport tadbirlariga faol jalb etishda haftaning dam olish kunlari: shanba va yakshanba kunlaridan unumli foydalanilmoqda. SHu kuni hafta davomida doimiy ish bilan band bo'lgan Toshkent viloyati aholisi vakillari o'z oilalari bilan sport tadbirlari va musobaqalarida ishtirok etmoqda.

Jumladan, ortda qolgan hafta yakunida ham viloyatning har bir hududida ommaviy badantarbiya mashg'ulotlari tashkil etildi. Parkent tumanida mashg'ulotlardan so'ng oilalar ishtirokida "Otam, onam va men sog'lom sportchimiz" shiori ostida quvnoq startlar musobaqasi tashkil etildi.

SHuningdek, 11 yanvardan respublikamizdagi barcha umumtalim maktablarida o'quv jarayonlari boshlanishi hisobga olinib, maktab yoshidagi havaskor bokschi yoshlar o'rtasida «Hokim kubogi» musobaqasi ham o'tkazildi.

Sport tadbirlari yakunida g'olib va sovrindor bo'lganlar, shuningdek, faollik ko'rsatganlar tadbir tashkilotchilari tomonidan esdalik sovg'alari bilan taqdirlandi.