O'zbekiston MTJ noyabrda Afrika qitasi vakili bilan bahs yuritishi mumkin

O'zbekiston terma jamoasi noyabr oyida Janubiy Afrika Respublikasiga qarshi o'rtoqlik o'yinida qatnashishi ehtimoli mavjud. 

JAR termasi bosh murabbiyi Xugo Bros seshanba kungi Botsvana bilan o'yindan (1:0) keyin buni tasdiqladi.

"Biz 14 noyabrdan 20 noyabrgacha birga bo'lamiz va ikkita o'rtoqlik o'yinida maydonga tushamiz.

Ayni paytda muzokaralar davom etmoqda. Umid qilamanki, biz Burkina-Faso va O'zbekistonga qarshi o'ynashga muvaffaq bo'lamiz", – dedi belgiyalik mutaxassis.

Bros Burkina-Faso va O'zbekiston ideal raqiblar bo'ladi, deb hisoblamoqda. 

"Ehtimol, biz Burkina-Faso bilan uyda va O'zbekiston bilan esa Dubayda bahs olib boramiz".

Eslatib o'tamiz, Srechko Katanec qo'l ostidagi milliy jamoamiz 20-27 sentyabr kunlari Janubiy Koreyada tashkil etgan o'quv-mashg'ulot yig'inida Kamerun (2:0) va Kosta-Rika (1:2) bilan bahsda ishtirok etdi.

Oldinroq O'zbekiston noyabrda UEFA vakili bilan o'ynashi haqida xabar bergan edik.