O'zbekiston va Kuba boks federaciyalari yaqindan hamkorlik qiladi

SHu munosabat bilan, O'zbekiston boks federaciyasi rahbariyati ham shu kunlarda Ekaterinburgda bo'lib turibdi. Federaciya raisining birinchi o'rinbosari Saken Polatov Rossiyaga safari davomida jahonda o'z o'rniga ega bo'lgan Kuba boks federaciyasining prezidenti Alberto Puig de la Barsa bilan uchrashuv o'tkazdi. 

Uchrashuv davomida tomonlar boksni yanada rivojlantirish, do'stlik rishtalarini mustahkamlash, yaqindan hamkorlik qilish bo'yicha muzokaralar olib borishdi. 

Kuba boks federaciyasi prezidenti uchrashuv davomida O'zbekiston va Kuba boks derjavasi ekanligini, buni Rio Olimpiadasida qo'lga kiritilgan medallar ham isbotlab turganligini qayd etdi. Tomonlar bundan keyin muntazam ravishda qo'shma o'quv-mashg'ulot yig'inlari o'tkazishga kelishib olishdi. 

Muzokaralar yakuniga ko'ra noyabr oyida, licenzion musobaqalarga munosib tayyorgarlik ko'rish maqsadida Kubada har ikki mamlakat terma jamoalari azolari ishtirokida qo'shma o'quv-mashg'ulot yig'inlari tashkil etiladi. O'z navbatida, kubalik charm qo'lqop ustalari ham yurtimizda yig'in o'tkazishadi. 

Alberto Puig de la Barsa uchrashuv davomida bungacha ikki marotaba O'zbekistonga tashrif buyurganini, yurtimizning mehmondo'st mamlakat ekanligi haqida o'zining iliq fikrlarini bildirib o'tdi. O'zbekistonda sportga etibor kuchli ekanligi, ushbu yo'nalish shaxsan Prezident SHavkat Mirziyoev nazoratida ekanligini takidladi. 

O'z navbatida, Saken Polatov Kuba boksiga hurmat kuchli ekanligini, ringda natija, qarama-qarshiliklar qanday bo'lishidan qati nazar federaciyalar do'st bo'lib qolishi va bir-birini doimo qo'llab-quvvatlashi haqida gapirdi. 

Qayd etish lozimki, ushbu uchrashuv har ikki mamlakat boksi rivoji yo'lida tashlangan muhim qadam bo'ldi. Mazkur hamkorlik orqali kelajakdagi yutuqlarga poydevor qo'yildi. 

O'zbekiston boks federaciyasi matbuot xizmati