O'zbekiston yoshlar terma jamoasi azolari onlayn mashg'ulotda ishtirok etishdi

Bugun, 23 iyul kuni Hamid Tangribergenov boshchiligidagi O'zbekiston yoshlar terma jamoasi azolari onlayn mashg'ulot o'tkazishdi. Yosh bokschilarimiz murabbiy ko'rsatmalariga amal qilgan holda topshirilgan vazifalarni bajarishdi. 

Onlayn mashg'ulotni kuzatib borgan O'zbekiston boks federaciyasi bosh kotibi Murodjon Mamadaliev bokschilarimiz bilan muloqot qilar ekan, yaqin orada yana yig'inlar boshlanishini, ungacha esa masofaviy tarzda shug'ullanishda davom etish lozimligini qayd etib o'tdi. 

Mashg'ulot yakunlangach, murabbiy Hamid Tangribergenov yigitlarimizga karantin qoidalariga qatiy rioya qilish lozimligini, ijtimoiy masofaga amal qilgan holda mashg'ulotlarni davom ettirish kerakligini takidladi. Terma jamoa azolariga oldinda turgan rejalar tushuntirildi. Pandemiya sabab shu yili noyabr oyida o'tkazilishi lozim bo'lgan yoshlar o'rtasidagi jahon chempionati kelasi yil aprel oyiga qoldirilgan bo'lsada, tayyorgarlik reja asosida davom etishi qayd etildi. SHuningdek, karantin choralari bekor qilinganidan so'ng oldinda bir qator musobaqalar turgani aytib o'tildi. 

O'zbekiston boks federaciyasi matbuot xizmati